ფინანსთა სამინისტროს მომსახურების სააგენტო, 12 ივნისს სტუდენტური კვირეულის ფარგლებში ილიას სახელმწიფო უნივერსიტეტის სტუდენტებს შეხვდა და eAuction.ge-ს შესახებ გაცნობითი სახის პრეზენტაცია გამართა.

სტუდენტები გაეცნენ მომსახურების სააგენტოში განხორციელებულ რეფორმებსა და ელექტრონულ აუქციონს - eAuction.ge-ს. პრეზენტაციის მიწურულს გაიმართა იმიტირებული აუქციონი, სადაც სტუდენტებმა მონაწილეობა მიიღეს უშუალოდ ვაჭრობის პროცესში. აუქციონში გამარჯვებულს კი მომსახურების სააგენტომ სიმბოლური საჩუქარი გადასცა.პრეზენტაციასთან ერთად, უნივერსიტეტის ტერიტორიაზე მიმდინარეობდა დარეგისტრირების აქცია, სადაც ნებისმიერ მსურველს შეეძლო დარეგისტრირება eAuction.ge-ზე.

მომსახურების სააგენტო განაგრძობს სტუდენტებთან შეხვედრებს და 13-14 ივნისს დაგეგმილია პრეზენტაციები საქართველოს ტექნიკურ უნივერსიტეტსა და ივ. ჯავახიშვილის სახელმწიფო უნივერსიტეტში.