>
პარტნიორები
ელექტრონული განკარგულება eAuction.ge-ზე!
28 / 2 / 2018

ელექტრონული განკარგულება eAuction.ge-ზე!

 სსიპ ,,საქართველოს ფინანსთა სამინისტროს მომსახურების სააგენტო“-მ აღსრულების ეროვნულ ბიუროსთან თანამშრომლობით ვებგვერდ eAuction.ge-ს მომხმარებლებს კიდევ ერთი ინოვაციური სერვისი შესთავაზა.

ამჯერად, დაინტერესებული პირებისათვის ვებგვერდ eAuction.ge-ზე ქონების შეძენა/გაფორმების პროცედურები გამარტივდა. პირი, რომელიც ელექტრონულ აუქციონზე აღსრულების ეროვნული ბიუროს მიერ გამოცხადებულ ქონებას შეიძენს, გამარჯვებისთანავე მიიღებს შეტყობინებას, განკარგულების და სხვა თანდართული დოკუმენტის ელექტრონულად მიღებისა და ჩამოტვირთვის შესაძლებლობის შესახებ. მოქალაქეს აქვს არჩევანის თავისუფლება, დაეთანხმოს დოკუმენტის ელექტრონული წესით მიღებას ან კვლავ ეწვიოს აღსრულების ეროვნულ ბიუროსა და იუსტიციის სახლებში და დოკუმენტი ხელზე, მატერიალური სახით ჩაიბაროს. ქონების შემძენი, დოკუმენტის ელექტრონულად მიღების შესახებ შეტყობინების დათანხმების შემთხვევაში, მოგებულ ლოტზე დოკუმენტაციის ატვირთვის შესახებ ინფორმაციას მობილურ ტელეფონზე მოკლე ტექსტური შეტყობინების სახით მიიღებს. ამასთან, შესაძლებლობა ექნება, eAuction.ge- პირად გვერდზე ჩამოტვირთოს დოკუმენტაცია, რომელიც ჩამოტვირთვისთანავე მისთვის ჩაბარებულად ჩაითვლება.

პროექტი ფინანსთა სამინისტროსა და აღსრულების ეროვნული ბიუროს წარმატებული თანაშრომლობის კიდევ ერთი შედეგია. აღნიშნული სერვისინოვაციურია და ორიენტირებულია მომხმარებელთა დამატებითი ხარჯებისა და დროითი რესურსების დაზოგვაზე.

 

დამატებითი ინფორმაციისათვის დაგვიკავშირდით ცხელ ხაზზე 2 601 601; 2 749 649;

  • მომხმარებელთა საყურადღებოდ

    02.07.2018
    სსიპ "საქართველოს ფინანსთა სამინისტროს მომსახურების სააგენტო" გაცნობებთ, რომ საგარანტიო, დარჩენილი და სრული ღირებულების პლასტიკური ბარათით და ბილინგის მეთოდით გადახდებთან დაკავშირებით საბანკო მომსახურების მხარეს შეიქმნა ტექნიკური პრობლემა, რის შედეგადაც ელექტრონული აუქციონის ვებ გვერდზე დროებით გადახდები შეფერხებით ფუნქციონირებს.ამ დროისთვის მიმდინარეობს აღნიშნული ხარვეზის აღმოფხვრაზე მუშაობა. ბოდიშს გიხდით შეფერხებისათვის! .... სრულიად ნახვა >>
  • eAuction.ge-ს მობილური აპლიკაცია უკვე ხელმისაწვდომია!

    17.01.2018
    სსიპ ,,საქართველოს ფინანსთა სამინისტროს მომსახურების სააგენტო“-მ მომხმარებლებისათვის ვებგვერდზე eauction.ge რეგისტრაციისა და ვაჭრობის პროცედურების გამარტივების, მათთვის ინოვაციური და დღევანდელ რეალობაში ყველაზე პოპულარული სისტემის შეთავაზების მიზნით, წარმატებით განახორციელა ვებგვერდის მობილური აპლიკაციის გაშვება.ელექტრონული აუქციონის www.eauction.ge მობილური ვერსია განთავსებულია IOS-ისა და ANDROID მარკეტებში. მომხმარებლებს საშუალება აქვთ უფასოდ განახორციელონ EAUCTION.GE-ს აპლიკაციის ჩამოტვირთვა .... სრულიად ნახვა >>
  • კიდევ უფრო გამარტივებული საძიებო სისტემა ვებგვერდზე eAuction.ge!

    04.09.2017
    ვებგვერდზე eAuction.ge საძიებო სისტემა კიდევ უფრო გამარტივდა და გაფართოვდა. პორტალზე სასურველი ნივთის ძიება უკვე ნებისმიერი პარამეტრით არის შესაძლებელი, რომელიც ბევრად უფრო მარტივსა და მოსახერხებელს ხდის აუქციონზე მიმდინარე თუ დასრულებული ლოტების ძებნის პროცესს! სსიპ ,,საქართველოს ფინანსთა სამინისტროს მომსახურების სააგენტო“ მუდმივად სთავაზობს მომხმარებელს ახალ სერვისებს, რათა კიდევ უფრო მეტად გაამარტივოს ელექტრონული პროცედურები. დამატებითი ინფორმაციისთვის დაგვიკავშირდით ცხელ ხაზზე: 2 601 601 .... სრულიად ნახვა >>