ინფორმაციის მისაღებად დაგვიკავშირდით:

პროექტი - „ბათუმის ბულვარის ბრენდინგი“-ს მიზანია:

 სწორად დაგეგმილი და ბულვარის საერთო ინტერიერში შერწყმული ბრენდინგის შექმნა;

 კონცენტრირებული და სწორად დაგეგმილი კომუნიკაცია დამსვენებელზე;

 ვიზიტორებისათვის დასვენებისა და ტურიზმის თანამედროვე მოთხოვნების შესაბამისი პირობების შექმნა;

 უკონკურენტო ფლეისმენთი საქართველოს საზაფხულო საკურორტო ზონაში;

 კრეატიულ საიმიჯო აქტივობების შექმნის საშუალება;

 პირდაპირი კავშირი დამსვენებელთან;

 ყველაზე დიდი კოეფიციენტი საიმიჯო კამპანიის „feed beck“-ი ზაფხულის სეზონზე;

1. აუქციონში მონაწილეობის უპირობო და გამოუხმობი საბანკო გარანტია/ბე განისაზღვროს ქონების საწყისი სარგებლობის საფასურის 80 %-ის ოდენობით, რომელიც ჩაითვლება ქონების საბოლოო სარგებლობის საფასურში;

2. საბოლოო სარგებლობის საფასურის გადახდა განხორციელდეს ხელშეკრულების გაფორმებამდე სრულად;

3. აუქციონში გამარჯვებულის გამოვლენის კრიტერიუმია სარგებლობის საწყის საფასურზე ბიჯის დანამატის შედეგად მაქსიმალური საფასურის შეთავაზება;

4. აუქციონში ვაჭრობის შედეგად დაფიქსირებული საბოლოო თანხა შეადგენს სრული საიჯარო პერიოდის 2024 წლის 01 იანვარმდე საფასურს;

5. აუქციონში მონაწილეობა შეუძლიათ იმ იურიდიულ პირებს, რომლებიც საქართველოში აწარმოებენ ყავასა და ჩაის;

6. ელექტრონული აუქციონის დასრულების შემდეგ, გამარჯვებული პირი ვალდებულია წარმოადგინოს ინფორმაცია თავისი ბრენდის შესახებ: ამონაწერი სამეწარმეო რეესტრიდან, დირექტორის პირადობის მოწმობა ან/და სხვა ყველა სახის დოკუმენტაცია რაც დაადასტურებს კონკრეტულ ბრენდთან მათ სამართლებრივ ურთიერთობას;

7. აუქციონში გამარჯვებული პირი ვალდებულია საკუთარი სახსრებით გადაიხადოს ყველა სახის კომუნალური მომსახურების გადასახადი და უზრუნველყოს ყველა საჭირო მრიცხველის მონტაჟი;

8. აუქციონში გამარჯვებული პირი ვალდებულია 3 სამუშაო დღის ვადაში, სსიპ „ბათუმის ბულვარში“ წარმოადგინოს სარგებლობით გადაცემულ ქონებ(ებ)ზე განსათავსებელი ობიექტის ვიზუალური მხარე;

9. აუქციონში გამარჯვებული პირი ვალდებულია 7 სამუშაო დღის ვადაში გააფორმოს შესაბამისი ხელშეკრულება სსიპ „ბათუმის ბულვართან“;

10. აუქციონში გამარჯვებულ პირზე ქონების დროებით სარგებლობის უფლება გადადის საიჯარო ხელშეკრულების ხელმოწერის დღიდან;

11. მოიჯარე ვალდებულია ხელშეკრულების გაფორმებიდან არაუმეტეს 30 კალენდარული დღის ვადაში უზრუნველყოს სარგებლობაში გადაცემულ ქონებაზე მსუბუქი კონსტრუქციის ბრენდირებული ყავის, ჩაის და ამ ბრენდის პროდუქტთან დაკავშირებული სხვადასხვა სახის გამაგრილებელი და ალკოჰოლური სასმელების სარეალიზაციო კუთხეების განთვსება/ამოქმედება, საიდანაც მოხდება დამსვენებლების მომსახურება სხვადასხვა ასორტიმენტით, კერძოდ: სხვადასხვა სახის ევროპული და ამერიკული ფორმატის ქართული წარმოების ყავა და ჩაი, ქართული წარმოების ყავის ასორტიმენტი, (ესპრესო, ამერიკანო, ლატე, კაპუჩინო და ა.შ) ასევე ბრენდის პროდუქტთან დაკავშირებული სხვადასხვა სახის ალკოჰოლური და უალკოჰოლო სასმელებით;

12. მოიჯარე ვალდებულია წარმოდგენილი პროდუქციის რეალიზაცია განახორციელოს ისე, რომ პროდუქტის საცალო ღირებულება არ აღემატებოდეს კომპანიის ქსელურ ფასს (საქართველოს მასშტაბით);

13. მოიჯარე ვალდებულია შეინარჩუნოს პროფილი ხელშეკრულების მოქმედების განმავლობაში;

14. მოიჯარე ვალდებულია სახელშეკრულებო ვადის განმავლობაში გადაცემული არასასოფლო-სამეურნეო დანიშნულების მიწის ნაკვეთი გამოიყენოს მხოლოდ დანიშნულებისამებრ, მიზნობრივად;

15. მოიჯარე ვალდებულია სახელშეკრულებო ვადის განმავლობაში უზრუნველყოს სარგებლობის უფლებით გადაცემული ქონების მოვლაპატრონობა, დაცვა და ყოველდღიური დასუფთავება;

16. მოიჯარე ვალდებულია სახელშეკრულებო ვადის განმავლობაში უზრუნველყოს სარგებლობის უფლებით გადაცემულ ტერიტორიაზე, მოქმედი კანონმდებლობით დადგენილი, უსაფრთხოების ნორმების დაცვა;

17. აუქციონში გამარჯვებული პირის მიერ საიჯარო ხელშეკრულების ხელმოწერაზე უარის თქმის შემთხვევაში, მას ერთმევა გამარჯვებულის სტატუსი და უპირობო და გამოუხმობი საბანკო გარანტიის/ბე-ს თანხა არ უბრუნდება;

18. თუ ელექტრონული აუქციონი არ შედგა იმ მიზეზით, რომ ელექტრონულ აუქციონში რეგისტრირებული პირები, რომლებმაც გადაიხადეს ბე ან წარადგინეს/გააქტიურეს (ელექტრონულად) უპირობო და გამოუხმობი საბანკო გარანტია, არ მიიღებენ მონაწილეობას ვაჭრობაში, ელექტრონული აუქციონის მონაწილეების მიერ, გადახდილი ბე ან წარდგენილი/გააქტიურებული (ელექტრონულად) უპირობო და გამოუხმობი საბანკო გარანტია სრულად ირიცხება შესაბამის ბიუჯეტში;

19. მოიჯარე ვალდებულია იჯარის ვადის ამოწურვის შემდეგ, სარგებლობაში გადაცემული უძრავი ქონება დააბრუნოს პირვანდელ მდგომარეობაში;

20. მოიჯარეს ეკრძალება იჯარის ხელშეკრულებით მიღებული უფლებამოვალეობები გადასცეს მესამე პირს, სსიპ „ბათუმის ბულვარი“-ს წინასწარი თანხმობის გარეშე;

21. მოიჯარეს ეკრძალება განახორციელოს მესამე პირის რეკლამა, აღნიშნული უფლების მართვაზე უფლებამოსილება გააჩნია მხოლოდ სსიპ „ბათუმის ბულვარს“;

22. მოიჯარეს ეკრძალება სარგებლობაში მიღებული ქონების მიმდებარედ კონსტრუქციებისა და სხვა სახის ობიექტების განთავსება;

23. მეიჯარე უფლებამოსილია ხელშეკრულების მოქმედების პერიოდში ნებისმიერ დროს დაათვალიეროს სარგებლობით გადაცემული ქონება; 24. მოიჯარეს ეკრძალება იჯარით გაცემულ ქონებაზე, მიწასთან მყარად დაკავშირებული ნაგებობის (მიწის ნაკვეთის არსებითი შემადგენელი ნაწილი) განთავსება;