1.აუქციონში გამარჯვებულმა, აუქციონატორსა და აუქციონში გამარჯვებულ პირს შორის ხელშეკრულების გაფორმებიდან 15 (თხუთმეტი) კალენდარული დღის ვადაში უნდა გადაიხადოს, წინასწარი გადახდის წესით, ლოტის საბოლოო (სარეალიზაციო) ღირებულება სავარაუდო ოდენობის გათვალისწინებით და ბეს თანხის გამოკლებით, რის შემდგომაც განხორციელდება სარეალიზაციო ქონების ზუსტი წონის დადგენა, საწარმოსა და გამარჯვებულს შორის შეთანხმებული წესის მიხედვით, რომლის საფუძველზეც აუქციონში გამარჯვებულ პირსა და შპს „თბილსერვის ჯგუფს” (ს/ნ 206267494) შორის განხორციელდება საბოლოო ანგარიშსწორება და მიღება-ჩაბარების აქტის გაფორმება.

2.აუქციონში გამარჯვებულმა ლოტის საბოლოო ღირებულებასთან ერთად უნდა გადაიხადოს აუქციონატორის მომსახურების საფასური 20 (ოცი) ლარი თითოეულ ლოტზე.

3.აუქციონში გამარჯვებულმა უნდა უზრუნველყოს კანონმდებლობით გათვალისწინებული პროცედურებისათვის საჭირო ხარჯების ანაზღაურება საკუთარი სახსრებით, მათ შორის:

ა) შპს „თბილსერვის ჯგუფის” (ს/ნ 206267494) უფლებამოსილ  წარმომადგენელთან ერთად ლოტში მითითებული დასახელების ზუსტი წონის დადგენისას, სერტიფიცირებული სასწორის გამოყენებით, აუქციონატორსა და აუქციონში გამარჯვებულ პირს შორის ხელშეკრულების გაფორმებიდან 15 (თხუთმეტი) კალენდარული დღის ვადაში.

ბ) ლოტში მითითებული დასახელების დაზუსტებული ოდენობის გატანა შპს „თბილსერვის ჯგუფის” (ს/ნ 206267494) ტერიტორიიდან (განთავსების მისამართი) საკუთრების მოწმობის გაცემიდან 10 (ათი) სამუშაო დღის ვადაში. 

4.შპს „თბილსერვის ჯგუფმა” (ს/ნ 206267494) უნდა უზრუნველყოს:

ა) ლოტში მითითებული დასახელების ზუსტი ოდენობის დადგენიდან 5 (ხუთი) კალენდარული დღის ვადაში ლოტის ზუსტი ოდენობის დამდგენი დოკუმენტის (აწონვის შედეგის) წარდგენა აუქციონატორისთვის.

ბ) ლოტში მითითებული განსაკუთრებული პირობით გათვალისწინებული ვალდებულების შესრულების დადასტურება აუქციონატორისთვის წერილობითი ფორმით  აუქციონის ჩატარებიდან 15 (თხუთმეტი) კალენდარული დღის ვადაში

5.იმ შემთხვევაში თუ წინამდებარე პირობების მესამე პუნქტის “ა” ქვეპუნქტით განსაზღვრული ქმედების შედეგად დადგინდა, რომ ლოტის დაზუსტებული ოდენობა აღემატება ლოტის სავარაუდო მოცულობას, შპს „თბილსერვის ჯგუფმა” (ს/ნ 206267494) ლოტში მითითებული დასახელების ზუსტი მოცულობის დადგენიდან 10 (ათი) კალენდარული დღის ვადაში უნდა უზრუნველყოს აღნიშნული სხვაობის საწყისი სარეალიზაციო ფასის 5%-ის ჩარიცხვა აუქციონატორისთვის.

6. ბე-ს ნაცვლად საბანკო გარანტიის წარმოდგენის შემთხვევაში საბანკო გარანტია უნდა იყოს უპირობო და გამოუთხოვადი. წარმოდგენილი საბანკო გარანტიის მოქმედების ვადა არანაკლებ 3 თვით უნდა აღემატებოდეს საიჯარო ურთიერთობის მოქმედების ვადას;

7. ელექტრონული აუქციონის გამოცხადებიდან (დაწყებიდან) მის დასრულებამდე არაუგვიანეს წინა სამუშო დღის 18 საათისა, აუქციონში მონაწილეობის მსურველს შეუძლია გადაიხადოს ბე უნაღდო ანგარიშსწორების ფორმით. მითითებული ვადის გასვლიდან ელექტრონული აუქციონის დასრულებამდე არაუგვიანეს 2 წუთისა, ბეს გადახდა აუქციონში მონაწილეობის მსურველს შეუძლია მხოლოდ ბილინგის სისტემით.

8. აუქციონში გამარჯვების დამადასტურებელი ოქმის (შემდგომში - ოქმი) საფუძველზე 15 კალენდარული დღის ვადაში, ფორმდება აუქციონატორსა და აუქციონში გამარჯვებულს შორის წერილობითი ნასყიდობის ხელშეკრულება (შემდგომში - ხელშეკრულება)