სსიპ "იუსტიციის სახლის" მიერ, იუსტიციის სახლის ფილიალებში, უცხოელთა ჯანმრთელობის დაზღვევის სერვისის გაცემის მიზნით, ცხადდება აუქციონი. 

ელექტრონულ აუქციონში გამარჯვებული კომპანია სერვისის მიწოდებას განახორციელებს 2 (ორი) წლის ვადით. 

აუქციონის პირობები იხილეთ სსიპ "იუსტიციის სახლის" თავმჯდომარის 2024 წლის 15 აპრილის ბრძანება N952/ს-ში. (ბრძანება იხილეთ მიმაგრებულ ფაილებში). 

უცხოელთა ჯანმრთელობის დაზღვევის სერვისის პოლისის პირობები იხილეთ დანართი N1-ში.

შესაძლებლობები, რომლებიც უნდა გააჩნდეს სამუშაო ელექტრონულ პროგრამას, იხილეთ დანართი N2-ში.

სსიპ "იუსტიციის სახლსა" და აუქციონში გამარჯვებულ პირს შორის გასაფორმებელი ხელშეკრულების პროექტი იხილეთ დანართი N3-ის სახით.

აუქციონში გამარჯვებულმა ორგანიზაციამ, იუსტიციის სახლთან ხელშეკრულების გაფორმებიდან 60 კალენდარული დღის ვადაში, უნდა უზრუნველყოს ვებ-გვერდზე დაფუძნებული პროგრამის შექმნა და ავტომატური გადახდის სისტემის გამართული ფუნქციონირება იუსტიციის სახლის ფილიალებში განთავსებულ იმ ორგანიზაციებთან, რომლებიც ახორციელებენ საფასურის გადახდას იუსტიციის სახლში არსებულ სერვისებზე.

საწყისი თანხა მოიცავს ერთი თვის საფასურს!

ანგარიშსწორება განხორციელდება საქართველოს ეროვნული ვალუტით, მხარეთა შორის გაფორმებული მიღება-ჩაბარების აქტისა და იუსტიციის სახლის მიერ წარმოდგენილი სათანადო ინვოისის საფუძველზე, აღნიშნული დოკუმენტაციის წარდგენის დღიდან არაუგვიანეს 10 (ათი) კალენდარული დღის ვადაში.

აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.

უცხოელთა ჯანმრთელობის დაზღვევის სერვისის მიმწოდებელი კომპანიის შერჩევის მიზნით სსიპ "იუსტიციის სახლი" აცხადებს აუქციონს.

სსიპ იუსტიციის სახლის ფილიალები მოქალაქეებს  450-მდე სახის სერვისს სთავაზობს და დღეში 20,000-ზე მეტ მომხმარებელს ემსახურება.

ყურადღება! ინტერნეტ აუქციონში მონაწილეობის მისაღებად საგარანტიო თანხის გადახდა შესაძლებელია ვებ-გვერდიდან პლასტიკური ბარათით ან ელექტრონული საბანკო გარანტიის გამოყენებით (ასეთის არსებობის შემთხვევაში) ან eauction.ge-ის ანგარიშსწორების სისტემის სერვისის გამოყენებით (სს "ლიბერთი ბანკის" ნებისმიერ ფილიალში). დაწვრილებითი ინფორმაციისათვის იხილეთ ,,ინფორმაცია გადახდებზე’’ ან დაგვიკავშირდით   სააგენტოს ცხელ ხაზზე: 1420