1.         სარგებლობის მოქმედების ვადაა 3 წელი, 90 000 ლარი წარმოადგენს  სარგებლობაში გადაცემის საწყის წლიურ (1 წლის) საფასურს.

2.         საიჯარო ქირის გადახდა უნდა მოხდეს გამარჯვებულის გამოვლენიდან ყოველთვიურად, თანაბარწილად ყოველი თვის 15 რიცხვამდე.

3.         715 კვ.მ. (ს/კ 05.30.18.020) მიწის ნაკვეთი გამოყენებული იქნას ნავთობპროდუქტების მიღება, შენახვისა და გაცემის უზრუნველსაყოფად საჭირო ძირითადი საშუალებების განთავსებისათვის. 

4.         715 კვ.მ. (ს/კ 05.30.18.020) მიწის ნაკვეთის ინვენტარით და სხვა მოძრავი ნივთებით აღჭურვისა და სხვა სამუშაოების ღირებულება საიჯარო ქირაში გათვალისწინებული არ იქნას.

5.         მოიჯარის მიერ სარკინიგზო ესტაკადის (შპს "ბათუმის ნავთობგადამამუშავებელი ქარხნის" მიერ შპს "ბათუმი პეტროლიუმისგან" იჯარით აღებული ესტაკადა,  №2 ჩიხის ექსპლუატაციის დროს უსაფრთხოების ზომების შეუსრულებლობით გამოწვეულ ზიანზე (მათ შორის ფინანსურ - ჯარიმა/სანქციები და სხვა) პასუხისმგებლობა ეკისრება მოიჯარეს.

6.         მოიჯარე ვალდებულია უზრუნველყოს იჯარით აღებული ქონების მოვლა-პატრონობა და უსაფრთხოების წესების დაცვა საქართველოში მოქმედი კანონმდებლობისა და სტანდარტების დაცვით.  

7.         715 კვ.მ მიწის ნაკვეთზე (ს/კ 05.30.18.020) და მასზე განთავსებულ ძირითად საშუალებებზე მესაკუთრე იტოვებს უფლებას ურთიერთშეთანხმების საფუძველზე მოიჯარისთვის გამოუყენებელ დროს ისარგებლოს საკუთარი მოხმარებისათვის.

8.         ძირითადი საშუალებები (გარდა მიწისა) გამოყენებული იქნეს ნავთობპროდუქტების მიღება, შენახვისა და გაცემისათვის.

9.         სარემონტო და სარეკონსტრუქციო სამუშაოები საიჯარო ქირაში გათვალისწინებული არ იქნას;

10.      მოიჯარემ უზრუნველყოს იჯარით აღებული ქონების მოქმედი სტანდარტებისა და წესების შესაბამისად ექსპლუატაცია.

11.     მეიჯარე უფლებამოსილია ყოველგვარი კომპენსაციებისა და ჯარიმის გარეშე ვადამდე შეწყვიტოს საიჯარო ხელშეკრულება, მოთხოვნიდან 3 თვის ვადაში.

12.     მოიჯარეს მიერ დაცული იქნეს საქართველოს ეკონომიკური განვითარების მინისტრის 2009 წლის 07 ოქტომბრის N 1-1/2287 ბრძანება ,,ნავთობის ბაზების უსაფრთხოების წესების დამტკიცების შესახებ“ , ნავთობის ბაზების უსაფრთხო ექსპლუატაციის შესახებ 2014 წლის 15 იანვრის N65 დადგენილება  და სხვა მასთან დაკავშირებული ნორმატიული აქტები;

13.     მეიჯარე უფლებამოსილია ნებისმიერ დროს მოწვეული სპეციალისტების/სამსახურის მეშვეობით ან დამოუკიდებლად მოიჯარის წარმომადგენლის თანამონაწილეობით ჩაატაროს მონიტორინგი სარგებლობაში გადაცემული ქონების ტექნიკურ გამართულობასა და საექსპლუატაციო პირობების მოთხოვნათა დაცვაზე და დარღვევის აღმოჩენის შემთხვევაში მიაღებინოს ზომები მათ აღმოსაფხვრელად.

14.     მეიჯარე (შპს „ბათუმის ნავთობგადამამუშავებელი ქარხანა“) უფლებამოსილია გააფორმოს სარგებლობის ხელშეკრულებები სხვა დაინტერესებულ მესამე პირებთან რკინიგზის ესტაკადის მეშვეობით ნავთობპროდუქტების გადატვირთვაზე.

15.     მოიჯარე ვალდებულია ნავთობის ბაზის ტექნოლოგიური სისტემა იქონიოს ტექნიკურად გამართულ მდგომარეობაში და მათი ექსპლუატაციის პერიოდში უსაფრთხოების დაცვა მოახდინოს საქართველოში მოქმედი კანონმდებლობის მოთხოვნათა შესაბამისად.

16.     მოიჯარე უფლებამოსილია ისარგებლოს შპს ”ბათუმის ნავთობგადამამუშავებელი ქარხნის” საკუთრებაში არსებული  ნათელი ნავთობპროდუქტების გასაცემი ავტოწერტი, ასევე დაამონტაჟოს ელექტროენერგიის მრიცხველი.

საწყის ფასს + ბიჯი

მაქსიმალური საიჯარო ქირის დაფიქსირება, რომელიც უნდა აღემატებოდეს საწყის საიჯარო ქირას. საწყის საიჯარო ქირას + (არანაკლები)  ბიჯის ოდენობა. (ქონება იჯარით გაცემულად ითვლება ელექტრონულ აუქციონში საბოლოო თანხის შემომთავაზებელ მონაწილეზე).