საზღვაო სატრანსპორტო საშუალება წარმოადგენს სანაპირო დაცვის მცირე საპატრულო კატარღას, რომელიც ნამყოფია ექსპლუატაციაში, აღჭურვილია VOLVO PENTA D12-650 დიზელის ძრავებით, საიდენტიფიკაციო #TR-ARS44CPB00908A07, გაბზარული აქვს საქარე მინა. სალონის შიდა ინტერიერის ვიზუალური დათვალიერება ვერ განხორციელდა რადგან შესასვლელი კარი ინსპექტირებისას იყო დაკეტილი. კატარღას ესაჭიროება აღდგენითი სარემონტო სამუშაოები და მოდერნიზაცია, განთავსებულია ხმელეთზე.  სსიპ ლევან სამხარაულის სახელობის სასამართლო ექსპერტიზის ეროვნული ბიუროს 2020 წლის 06 მაისის #002568320 სატრანსპორტო ტექნიკურ-ტრასოლოგიური ექსპერტიზის დასკვნიდან ირკვევა, რომ ,,მცირე საპატრულო კატარღა P-009-ის ძარა დამზადებულია მინაბოჭკოვანი მასალისაგან. კატარღას აღენიშნება ხანგრძლივი ექსპლუატაციის პირობებში განვითარებული სხვადასხვა სახის დაზიანებები, საღებავის აშრევების, განაკაწრების და მინაბოჭკოვანი კორპუსის მცირედი ხეთქვის სახით. ასევე მცირე საპატრულო კატარღას აღენიშნება ხანგრძლივად ღია ცის ქვეშ დგომის კვლები რასაც ადასტურებს ძარაზე(ში) არსებული მტვრის და წყლის არსებობა. კატარღის ძრავის ნაკვეთურის დათვალიერებით აღმოჩნდა, რომ იგი აღჭურვილია ორი ერთეული ძრავით. ძრავების ვიზუალური დათვალიერებით აღმოჩნდა, რომ ისინი კოროზირებულია, რაც მიუთითებს ძრავის სახურავების ჰერმეტულობის დარღვევაზე. ვინაიდან ექსპერტიზის ჩატარების დღეს საპატრულო კატარღა განთავსებული იყო ხმელეთზე ვერ მოხერხდა ძარის ჰერმეტულობის დადგენა. მოწოდებული ინფორმაციით მცირე საპატრულო კატარღას დაზიანებული აქვს ძრავები და სხვა ძალური აგრეგატები, საჭის მართვის მექანიზმი, ელ. სისტემები, ძრავის სახურავების ამორტიზატორები, მინამრეცხები, ინტერიერის მაკომპლექტებელი რიგი დეტალები და ა.შ. მცირე საპატრულო კატარღა P-009 წარმოდგენილი სახით ტექნიკურად გაუმართავ მდგომარეობაშია და მისი ექსპლუატაცია ტექნიკური თვალსაზრისით მიზანშეწონილი არ არის“. ასევე  მცირე საპატრულო კატარღა P-009 სიგრძეა - 13,35 მ; სიგანე - 4,2 მ; წყალწყვა  - 12-13 ტონა(სავსე) 9-10 ტონა(ცარიელი); სიჩქარე - 42 კვანძი; ცურვის სიშორე - 40 კვანძით 375 მილი; საწვავის ტევადობა - 1500 ლიტრი; წყლის ავზის ტევადობა - 140 ლიტრი; ფეკალური მასების ავზის ტევადობა - 130 ლიტრი; ზეთის ტევადობა - 88 ლ(თითო 44ლ); 24 V-იანი ელექტრო სისტემა; ორი მთავარი ძრავა - VOLVO PENTA D12-650; საწვავის ხარჯვის ნორმა ერთ ძრავზე: მინიმალური - 60 ლ, საშუალო - 100 ლ, მაქსიმალური - 130 ლ; ზეთის შეცვლა ყოველ 100-150 სთ.

საზღვაო  სატრანსპორტო   საშუალება შესაძლოა   საჭიროებდეს  რეგისტრაციას  შესაბამის სამსახურში.

ელექტრონულ აუქციონზე (ინტერნეტ-აუქციონი) გატანილ ქონებას არ მოყვება გარანტია.

ყურადღება! 

ყურადღება! უნაღდო ანგარიშსწორების შემთხვევაში, თანხის ანგარიშზე ასახვა აუცილებელია გადამოწმდეს სააგენტოში. ცხელი ხაზი: 1420.