1. ელექტრონულ აუქციონში გამარჯვებული ვალდებულია განახორციელოს საკუთრებაში გადაცემული მიწის ნაკვეთზე არსებული შენობა-ნაგებობის (ყოფილი მოსაცდელი) დემონტაჟი ქობულეთის მუნიციპალიტეტის მერიის მიერ გაცემული ნებართვის შესაბამისად, ნასყიდობის ხელშეკრულების გაფორმებიდან 6 (ექვსი) თვის ვადაში.

   2. აუქციონში გამარჯვებული ვალდებულია ნასყიდობის ხელშეკრულების გაფორმებიდან არაუგვიანეს 1 (ერთი) წლის განმავლობაში საკუთრების უფლებით გადაცემული უძრავი ქონების მიმდებარედ, მუნიციპალიტეტის მიერ გამოყოფილ მიწის ნაკვეთებზე, განათავსოს ორი ახალი მოსაცდელი, მუნიციპალიტეტის მერიასთან შეთანხმებული პროექტის შესაბამისად, რომელიც შემდგომში დარეგისტრირდება ქობულეთის მუნიციპალიტეტის საკუთრებაში.

    3 აუქციონში გამოვლენილმა გამარჯვებულმა განახორციელოს ინვესტიცია არანაკლებ 5000 (ხუთიათასი) ლარისა ნასყიდობის ხელშეკრულების გაფორმებიდან 1 (ერთი) წლის ვადაში.

    4. აუქციონის დასრულებიდან არაუმეტეს 10 (ათი) დღის ვადაში აუქციონში გამარჯვებულსა და გამყიდველს შორის ფორმდება აუქციონში გამარჯვების დამადასტურებელი ოქმი. აუქციონში გამარჯვებულს ელექტრონული გზით ეცნობება აუქციონში გამარჯვების დამადასტურებელი ოქმის გაფორმების თარიღი, თანხის სრულად გადახდის თარიღი და ქონების გადაცემის პირობები, რაც ჩაითვლება ოფიციალურ შეტყობინებად.

  5.  თუ ელექტრონულ გამარჯვებული პირი უარს განაცხადებს აუქციონში გამარჯვების დამადასტურებელი ოქმისა და შესაბამისი ნასყიდობის ხელშეკრულების ხელმოწერაზე, მას ჩამოერთმევა აუქციონში გამარჯვებულის სტატუსი და შეტანილი ბე/უპირობო და გამოუხმობი საბანკო გარანტია უკან არ დაუბრუნდება.

  6. თუ ელექტრონული აუქციონი არ შედგა იმ მიზეზით, რომ ელექტრონულ აუქციონში რეგისტრირებული პირები, რომლებმაც აუქციონში მონაწილეობის მისაღებად, დადგენილი წესით გადაიხადეს „ბე“ ან წარადგინეს/გააქტიურეს (ელექტრონულად) უპირობო და გამოუხმობი საბანკო გარანტია, არ მიიღებენ მონაწილეობას ვაჭრობაში, ელექტრონული აუქციონის მონაწილეობის მიერ აუქციონში მონაწილეობისათვის გადახდილი „ბე“ ან წარდგენილი/გააუქტიურებული (ელექტრონულად) უპირობო და გამოუხმობი საბანკო გარანტია სრულად ირიცხება მუნიციპალიტეტის ბიუჯეტში.

აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას.