„მოიჯარე“ ვალდებულია უზრუნველყოს: იჯარით აღებული რეფრიჟერატორული კონტეინერების დაზღვევა;  იჯარით გადაცემული რეფრიჟერატორული კონტეინერ(ებ)ით, საიჯარო ვადის განმავლობაში (თითოეული კონტეინერის გადაცემიდან 730 კალენდარული დღე) 65 000 (სამოცდახუთიათასი) ტონა მალფუჭებადი ტვირთის გადაზიდვა;  

   

იჯარის საგანს შეადგენს 120 (ასოცი) ერთეული 40 (ორმოცი) ფუტიანი რეფრიჟერატორული კონტეინერი, განკუთვნილი მალფუჭებადი ტვირთების გადასაზიდად,  საწყისი თანხა წარმოადგენს 120 ერთეული კონტეინერის დღიურ საიჯარო ქირას (დღგ-ს ჩათვლით). ქონების „მოიჯარისათვის“ გადაცემის და დაბრუნების ადგილია: სადგურ თბილისი სატვირთოს ტერიტორია (ვანის ქ.). თითოეული კონტეინერისათვის იჯარაში ყოფნის ვადა განისაზღვრება  დამოუკიდებლად და შეადგენს კონტეინერის იჯარაში გადაცემის დღიდან (შესაბამისი მიღება-ჩაბარების აქტის შედგენიდან) 730 კალენდარულ დღეს. მოიჯარისათვის 120 ერთეული 40 ფუტიანი რეფრიჟერატორული კონტეინერის გადაცემა შესაბამისი მიღება-ჩაბარების აქტის გაფორმებით, განხორციელდება ეტაპობრივად, 2020 წლის 15 ოქტომბრამდე. „მოიჯარე“ ვალდებულია უზრუნველყოს: იჯარით აღებული რეფრიჟერატორული კონტეინერების დაზღვევა;

   მოცულობითი გადაზიდვის  ვალდებულების უზრუნველსაყოფად, „მოიჯარე“ „მეიჯარეს“კონტეინერების გადაცემამდე წარუდგენს ამ უკანასკნელთან წინასწარ შეთანხმებულ ქართული ბანკის/სადაზღვევო კომპანიის მიერ გაცემულ, უპირობო საბანკო გარანტიას  1 300 000 (ერთი მილიონ სამასი ათასი)  ლარის ოდენობით (თვიურად კლებადობის პირობით), რომლის მოქმედების ვადა ერთი თვით უნდა აღემატებოდეს ბოლო ეტაპზე  გადაცემული კონტეინერ(ებ)ის საიჯარო ვადას (ბოლო კონტეინერის გადაცემიდან 730 დღე).   (იხილეთ  მიმაგრებული ფაილი "სააუქციონო პირობები"). 

ინტერნეტ-აუქციონის  დასრულების დღიდან,  15 კალენდარული დღის ვადაში, ქონების მესკუთრესა და ინტერნეტ-აუქციონში  გამარჯვებულს შორის ფორმდება  ხელშეკრულება  ქონების  დროებით სასყიდლიან სარგებლობაში, იჯარის  ფორმით გადაცემის თაობაზე, იმ პირობების გათვალისწინებით, რომლის შინაარსიც გამოქვეყნებულია ლოტის საინფორმაციო ველში. (იხილეთ  მიმაგრებული ფაილი "იჯარის ხელშეკრულება"). 

   იჯარით  გადასაცემი ქონებისა და აუქციონის პირობების შესახებ დამატებითი ინფორმაციის მიღება შესაძლებელია - სს „საქართველოს რკინიგზაში“. ქ. თბილისი, თამარ მეფის გამზ.N15. საკონტაქტო ტელეფონი: იურიდიულ საკითხებთან დაკავშირებით 5 91 19 90 05, ტექნიკურ საკითხებთან დაკავშირებით 5 91 19 99 36.


 აუქციონის პროცედურებთან დაკავშირებით - 2 601601;