აუქციონში გამარჯვებულმა პირმა საკუთარი ხარჯით უნდა უზრუნველყოს სსიპ – ადამიანით ვაჭრობის(ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდის სარგებლობაში არსებული მიწის ნაკვეთზე განთავსებული  ამორტიზებული და გამოუყენებელი  3 ერთეული შენობა–ნაგებობის დემონტაჟი ხელშეკრულების გაფორმებიდან 2 თვის ვადაში, თანდართული სადემონტაჟო სამუშაოების ორგანიზების პროექტის შესაბამისად (იხ. მიმაგრებული ფაილი), სადემონტაჟო სამუშაოების შესრულების სანაცვლოდ აუქციონში გამარჯვებულს საკუთრებაში გადაეცემა დემონტაჟის შედეგად მიღებული მეორადი სამშენებლო მასალები და შავი ლითონი. ლითონის და სამშენებლო მასალათა სავარაუდო რაოდენობა წარმოდგენილი აუდიტის დასკვნის შესაბამისად (იხ. მიმაგრებული ფაილი). 

გამარჯვებული ვალდებულია საკუთარი ხარჯით უზრუნველყოს როგორც მეორადი მასალების, ასევე, სამშენებლო ნარჩენების გატანა ტერიტორიიდან.

გამარჯვებული ვალდებულია საჭიროების შემთხვევაში უზრუნველყოს დემონტაჟისათვის დამატებითი სანებართვო დოკუმენტის მოპოვება შესაბამისი ორგანოებიდან.

ინტერნეტ აუქციონზე დაფიქსირებული ფასი გამარჯვებულმა უნდა გადაიხადოს აუქციონის დასრულებიდან არაუგვიანეს 5 კალენდარული დღის ვადაში. აღნიშნული საფასურის დაფარვიდან არაუგვიანეს 2 სამუშაო დღის ვადაში აუქციონში გამარჯვებულ პირსა და სსიპ – ადამიანით ვაჭრობის(ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდს შორის გააფორმდება შესაბამისი ხელშეკრულება დემონტაჟის თაობაზე, სანაცვლოდ დემონტაჟის შედეგად მისაღები მეორადი (ვარგისი) სამშენებლო მასალების (მარაგების) და გამოუსადეგარი სამშენებლო ნარჩენების ტერიტორიიდან გატანის პირობით.

აუქციონში გამარჯვებული პირის მიერ აუქციონში გამარჯვების დამადასტურებელი ოქმის ხელმოწერაზე ან/და  ნასყიდობის ხელშეკრულების ხელმოწერაზე უარის თქმის შემთხვევაში, ასევე, საპრივატიზებო თანხის დადგენილ ვადებში გადაუხდელობით აუქციონში გამარჯვებულს ერთმევა აუქციონში გამარჯვებულის სტატუსი და გადახდილი „ბე“ უკან არ უბრუნდება ("ბე" შეადგენს საწყისი საპრივატიზებო თანხის არანაკლებ 10%–ს).

განსაზღვრულ ვადებში სამუშაოების შეუსრულებლობისათვის აუქციონში გამარჯვებულს დაეკისრება საურავი ყოველ ვადაგადაცილებულ დღეზე საპრივატიზებო თანხის 0,5 % ის ოდენობით.

სამუშაო ჩაითვლება მიღებულად მხარეებს შორის გაფორმებული საბოლოო მიღება–ჩაბარების აქტით.

,,აუქციონში მონაწილე პირებისათვის საგარანტიო თანხების დაბრუნება/ჩამოჭრის შესახებ ინფორმაციის მისაღებად, გთხოვთ, მიმართოთ განმკარგველ ორგანიზაციას''