1.      ელექტრონულ აუქციონში მონაწილე პირს უფლება აქვს:

ა) აუქციონში მონაწილეობის მიღებამდე გამოითხოვოს სარეალიზაციო ობიექტთან დაკავშირებული, კორპორაციის ხელთ არსებული ინფორმაცია;

ბ) კორპორაციის წარმომადგენელთან ერთად/გარეშე ადგილზე დაათვალიეროს სარეალიზაციო ობიექტი;

გ) საკუთარი ხარჯებით აზომოს მეტალის დეტექტორის საშუალებით და მოახდინოს წერტილოვანი გათხრები, მოქმედი კანონმდებლობის ნორმებთან შესაბამისობაში;

2.      ლოტზე „ბე“-ს სახით შესატანი თანხის გადახდა უნდა მოხდეს,  აუქციონის დასრულებამდე არაუგვიანეს 5 (ხუთი) წუთით ადრე (www.eauction.ge-ის საიტზე განთავსებული პირობების შესაბამისად);

3.      ელექტრონულ აუქციონში გამარჯვებულ ფიზიკურ ან იურიდიულ პირსა და სს ,,საქართველოს ნავთობისა და გაზის კორპორაციას“ შორის ნასყიდობის ხელშეკრულება (www.eauction.ge-ის საიტზე განთავსებული პროექტის შესაბამისად) გაფორმდება ელექტრონული აუქციონის დასრულებიდან 10 (ათი) კალენდარული დღის განმავლობაში;

4.      თუ აუქციონში გამარჯვებული, ფიზიკურ ან იურიდიული პირი დადგენილ ვადებში არასაპატიო მიზით არ გააფორმებს ხელშეკრულებას სს ,,საქართველოს ნავთობისა და გაზის კორპორაციასთან“ აუქციონში გამარჯვებულს ერთმევა (უუქმდება) გამარჯვებულის სტატუსი და მის მიერ გადახდილი ბე-ს თანხა სრულად დარჩება კორპორაციას;

5.      ნასყიდობის ხელშეკრულების გაფორმებიდან 15 (თხუთმეტი) კალენდარული დღის განმავლობაში სრულად უნდა იქნეს გადახდილი ქონების ღირებულება და აღნიშნულის დამადასტურებელი დოკუმენტის წარმოდგენის შემდგომ მხარეთა შორის გაფორმდება მიღება-ჩაბარების აქტი;

6.      ელექტრონულ აუქციონში გამარჯვებული ქონებაზე საკუთრების უფლებას მოიპოვებს მიღება-ჩაბარების აქტის გაფორმების და საჯარო რეესტრში ქონების მის სახელზე რეგისტრაციის შემდეგ; 

7.      თუ ელექტრონულ აუქციონში გამარჯვებული მიიღებს გადაწყვეტილებას შეძენილი ქონების დემონტაჟის თაობაზე, დემონტაჟის უფლება მას მიენიჭება მხოლოდ მე-6 პუნქტში გათვალისწინებული პროცედურების განხორციელების შემდგომ;

8.      აუქციონის ჩატარებასთან დაკავშირებული სხვა პირობები და აუქციონის შედეგებიდან გამომდინარე მხარეთა უფლებამოვალეობანი (რომელსაც არ მოიცავს სააუქციონო განაცხადი და ნასყიდობის ხელშეკრულების პროექტი) დარეგულირდება საქართველოს კანონმდებლობის შესაბამისად.