არსებული სახელოსნოს  შენობა არის ერთსართულიანი, მართკუთხედის ფორმის. საძირკვლები-ყორე ქვა,ბეტონი;  კედლები - წითელი აგურის; დახურვა- რკ/ბეტონის ღრუტანიანი ფილებით;სახურავი - ბრტყელი.

აუქციონში გამარჯვებულმა პირმა საკუთარი ხარჯით უნდა უზრუნველყოს სსიპ ქალაქ ტყიბულის N4 საჯარო სკოლის სარგებლობაში არსებული სახელოსნოს შენობა–ნაგებობის დემონტაჟი ხელშეკრუელბის გაფორმებიდან 2 თვის ვადაში, თანდართული სადემონტაჟო სამუშაოების ორგანიზების პროექტის შესაბამისად. შენობის საერთო ფართი შეადგენს 296 კვ.მ. შენობის დემონტაჟზე გაცემულია თანხმობა ტყიბულის მუნიციპალიტეტის გამგებლის მიერ ბრძანება N47880; 29/11/2016წ.

1.პირობებიანი აუქციონით ობიექტი იყიდება აღებით მიწის გარეშე.

2.შენობა-ნაგებობის (სახელოსნო) დემონტაჟის პროექტი მომზადებული არის სსიპ საგანმანათლებლო და სამეცნიერო ინფრასტრუქტურის განვითარების სააგენტოს მიერ და მიღებული არის სათანადო ნებართვები.

3. დემონტაჟის ხანგრძლივობა უნდა მოხდეს 8 კვირის პერიოდში , სამშენებლო ნარჩენებისა და მეორადი გამოყენებისათვის ვარგისი მასალების გატანა ობიექტიდან და  ტერიტორიის დასუფთავება.

4.აუქციონში გამარჯვებულმა  საპრივატიზებო თანხა  სრულად უნდა დაფაროს ხელშეკრულების გაფორმებიდან 5(ხუთი) სამუშაო დღის განმავლობაში გამყიდველის საბანკო ანგარიშზე ჩარიცხვის გზით.  ან წარმოადგინოს საქართველოს კომერციული ბანკების მიერ გაცემული უპირობო და გამოუხმობადი საბანკო გარანტია, ასეთ შემთხვევაში, საქართველოს კომერციულიბანკების მიერ გაცემული  უპირობო დაგამოუხმობადი საბანკო  გარანტიის მოქმედების ვადა 1 თვით უნდა აღემატებოდეს ხელშეკრულებით გათვალისწინებული ვალდებულებების შესრულების ვადას.

5.დემონტაჟი საჭიროა განხორციელდეს „მშენებლობის ნებართვის გაცემისა და სანებართვო პირობების შესახებ“ საქართველოს მთავრობის 2009 წლის 24 მარტის N57 დადგენილების შესაბამისად, უსაფრთხოების ნორმების დაცვით.

6. სახელოსნოს შენობა-ნაგებობის დემონტაჟის შედეგად მიღებული ვარგისი მასალების  განკარგვის წესი უნდა მოხდეს საქართველოს მთავრობის  2010 წლის 13 აგვისტოს N239 დადგენილების მე-5 მუხლის შესაბამისად.

7. თუ ელექტრონული აუქციონი არ შედგა იმ მიზეზით, რომ აუქციონში რეგისტრირებული პირები (რომლებმაც საქართველოს ეკონომიკისა და მდგრადი განვითარების მინისტრის  N-172-ე ბრძანების მე-2 მუხლის მე-3 პუნქტის „ ე” ქვეპუნქტის/მე-2 მუხლის მე-4 პუნქტის „ ე” ქვეპუნქტის/მე-2 მუხლის 51 პუნქტის „ ზ” ქვეპუნქტის შესაბამისად გადაიხადეს ბე ან/და წარმოადგინეს უპირობო და გამოუხმობი საბანკო გარანტია) არ მიიღებენ მონაწილეობას სააუქციონო ვაჭრობაში, ელექტრონული აუქციონის მონაწილეების მიერ მე-2 მუხლის მე-3 პუნქტის „ ე” ქვეპუნქტის/მე-2 მუხლის მე-4 პუნქტის „ ე” ქვეპუნქტის/51 მუხლის „ ზ” ქვეპუნქტის საფუძველზე წარდგენილი უპირობო და გამოუხმობი საბანკო გარანტიის/ბეს თანხა სრულად ირიცხება შესაბამის ბიუჯეტში.

საკონტაქტო პასუხისმგებელი პირი: სკოლის დირექტორი მაკა გაბელაშვილი

ტელ: 577653777