საპრივატიზებო ობიექტი წარმოადგენს ხაშურის მუნიციპალიტეტის საკუთრებაში   არსებულ ხაშურში, თამარ მეფის ქუჩა № 9 - ში მდებარე არასასოფლო-სამეურნეო დანიშნულების მიწის ნაკვეთს მასზე განთავსებული 2 (ორი) ერთეული შენობა ნაგებობით. 

ელექტრონულ აუქციონში გამარჯვებულმა, აუქციონის დამთავრების დღიდან 15 კალენდარული დღის ვადაში უნდა დადოს ხელშეკრულება, ხოლო ხელშეკრულების დადებიდან თუ 15 კალენდარული დღის ვადაში სრულად არ გადაიხადა შეძენილი ქონების სრული ღირებულება,  ელექტრონული აუქციონის შედეგები უქმდება და ელექტრონულ აუქციონში გამარჯვებულის მიერ წარდგენილი/გადახდილი უპირობო და გამოუხმობი საბანკო გარანტია/ბე სრულად ირიცხება ხაშურის მუნიციპალიტეტის ბიუჯეტში.

მიწის ნაკვეთზე ვრცელდება სერვიტუტის უფლება.

გამომდინარე იქიდან, რომ მიწის ნაკვეთი მდებარეობს ხაშურის რკინიგზის სადგურის მიმდებარედ, შემსყიდველს ეკისრება ვალდებულება შეასრულოს შემდეგი პირობები: 

ა) უძრავი ქონების მესაკუთრე ვალდებულია დაიცვას საქართველოში მოქმედი სამშენებლო ნორმებისა და წესების მოთხოვნები.

ბ) ტერიტორიაზე ნებისმიერი სახის სამშენებლო სამუშაოების წარმოება წინასწარ შეთანხმებული უნდა იყოს სს „საქართველოს რკინიგზა“ - სთან.

გ) საჭიროების შემთხვევაში მყიდველი ვალდებულია შესყიდულ მიწის ნაკვეთზე (როგორც მიწის ქვეშ, ასევე ზემოდან) ხაზოვანი კომუნიკაციის არსებობის შემთხვევაში, საკუთარი ხარჯით უზრუნველყოს მათი გადატანა.