ყურადღება!

• აუქციონის დასრულებამდე ქონების დათვალიერება შესაძლებელია პრივატიზების განმახორციელებელ ორგანოსთან შეთანხმებით;
• ინტერნეტ აუქციონში მონაწილეობის მისაღებად ბეს (საგარანტიო თანხის) გადახდა შესაძლებელია:
  • ნაღდი ანგარიშსწორებით  სს  ,, ლიბერთი ბანკში”
  • ვებ-გვერდიდან პლასტიკური ბარათით
  • ელექტრონული საბანკო გარანტიის აქტივაციით
• მყიდველი ვალდებულია ნასყიდობის ხელშეკრულების გასაფორმებლად მიმართოს სსიპ სახელმწიფო  ქონების  ეროვნული  სააგენტოს  იურიდიულ  დეპარტამენტს  აუქციონის ჩატარებიდან 45 კალენდარული დღის  ვადაში, წინააღმდეგ შემთხვევაში უქმდება აუქციონის შედეგი.
• დამატებითი ინფორმაციისთვის დაგვიკავშირდით ცხელ ხაზზე : (+995) 32  2  981-111 (სსიპ  ,,სახელმწიფო ქონების ეროვნული სააგენტო”)   (+995) 32  2  601 601 (www.eauction.ge).

შენიშვნა:

ა) საპრივატიზებო  მიწის  ნაკვეთიდან 311   კვ.მ.  -ზე ვრცელდება სერვიტუტის  უფლება.

ბ) საპრივატიზებო ობიექტზე  გადის ქალაქ თბილისის თვითმმართველი ერთეულის  საკუთრებაში არსებული N01.00.195 საკადასტრო კოდით  რეგისტრირებული ხაზოვანი  ობიექტი (ელ. გადამცემი ხაზი) და სს  ,,სილქნეტის“ საკუთრებაში არსებული  N01.00.331 საკადასტრო კოდით რეგისტრირებული ხაზოვანი  ობიექტი (საკომუნიკაციო  ნაგებობა)   მყიდველმა   შეძენილ ობიექტზე სამუშაოების წარმოება უნდა განახორციელოს , ,ელექტრული ქსელების ხაზობრივი ნაგებობების დაცვის წესისა და მათი დაცვის ზონების დადგენის შესახებ” საქართველოს მთავრობის  2013 წლის 24 დეკემბრის №366 დადგენილებისა და ,,ელექტრული საკომუნიკაციო ქსელების სახაზო ნაგებობების დაცვის წესისა და მათი დაცვის ზონებისდადგენის შესახებ” საქართველოს მთავრობის 2007 წლის 4 ივლისის №134 დადგენილების   სრული დაცვით. თუ შემძენის მიერ მოთხოვნილ იქნება ზემოაღნიშნული ნაგებობების ტრასის კონფიგურაციის ცვლილება, ცვლილება განხორციელდება   ხაზოვანი ობიექტების მესაკუთრეების  მიერ მომზადებული და შესაბამისი ორგანოს მიერ დამტკიცებული პროექტის მიხედვით, სამუშაოების ჩატარების ხარჯები დაეკისრება ახალ მესაკუთრეს.

3184.00 კვ.მ არასასოფლო-სამეურნეო დანიშნულების მიწის ნაკვეთი   და მასზე განთავსებული N1-N2  შენობა-ნაგებობები

ა) საპრივატიზებო თანხის  გადახდა  ელექტრონული  აუქციონის დასრულებიდან 45 (ორმოცდახუთი) კალენდარული   დღის  ვადაში.

ბ) პირადად ან/და მესამე პირების მეშვეობით შესაბამისი ნასყიდობის ხელშეკრულების გაფორმებიდან არაუმეტეს 36 (ოცდათექვსმეტი) თვის ვადაში საპრივატიზებო  ქონებაზე მრავალფუნქციური (მათ შორის, საცხოვრებელი დანიშნულების) კომპლექსის მშენებლობისა და ექსპლუატაციაში მიღების უზრუნველყოფა, ასევე,  საპრივატიზებო  ქონების  ან/და მისი ნაწილის კეთილმოწყობა (რაც მოიცავს (მაგრამ შესაძლოა არ შემოიფარგლებოდეს) საპრივატიზებო ქონების ან/და  მისი ნაწილის  შემოღობვას, გამწვანებას და გარე განათებას).

გ) პირადად ან/და მესამე პირ(ებ)ის მეშვეობით,  „ბ“ ქვეპუნქტით გათვალისწინებული საპრივატიზებო პირობის შესრულების მიზნით არანაკლებ  1 200 000  (ერთი მილიონ ორასი ათასი) ლარის ოდენობის ინვესტიციის განხორციელება.

დ) საპრივატიზებო   უძრავი ქონების მესამე პირებისაგან გამოთავისუფლების სანაცვლოდ, კერძოდ, ამავე  ქონებით ფაქტობრივად მოსარგებლე   პირებისათვის ,,ბ" ქვეპუნქტით    განსაზღვრულ   კომპლექსში, მისი  ექსპლუატაციაში მიღებიდან არაუმეტეს 2  (ორი) თვის ვადაში  3 (სამი)  ერთეული საცხოვრებელი ბინის  უსასყიდლოდ  საკუთრებაში გადაცემა, გარემონტებულ მდგომარეობაში,  (რაც მათ  შორის  მოიცავს (მაგრამ შესაძლოა არ შემოიფარგლებოდეს) ელექტრო გაყვანილობას, ბუნებრივი აირის გაყვანილობას, სველ წერტილებს  (მოწყობილი ფილებით,  ხელსაბან(ებ)ით და  უნიტაზ(ებ)ით),  კერძოდ:
დ.ა) იძულებით გადაადგილებული პირის სტატუსის  მქონე  პირებისათვის  -   ნიურა კოპალიანისათვის და თენგიზ კოპალიანისათვის  არანაკლებ 60 (სამოცი) კვ.მ;   ფართის  მქონე ერთი  ერთეული  ბინა;
დ.ბ) იძულებით გადაადგილებული პირის სტატუსის  მქონე  პირებისათვის - დავით მიქაძისათვის, ლია ქარუმიძისათვის, ლევან მიქაძისათვის     მიხეილ მიქაძისათვის  არანაკლებ 80 (ოთხმოცი) კვ.მ  ფართის მქონე ერთი  ერთეული  ბინა;
დ.გ) იძულებით გადაადგილებული პირის სტატუსის არმქონე პირებისათვის -  მევლუდი ზარიძისთვის, მამუკა  ზარიძისათვის, ნათელა ზარიძისათვის  და მალხაზ ზარიძისათვის არანაკლებ 40 (ორმოცი) კვ.მ. ფართის მქონე  ერთი  ერთეული ბინა.   

ე)   შესაბამისი ხელშეკრულების გაფორმებიდან არაუმეტეს 1 (ერთი) თვის ვადაში   „დ“ ქვეპუნქტით გათვალისწინებული საპრივატიზებო პირობის შესრულებამდე საპრივატიზებო  ობიექტის ფაქტობრივად მოსარგებლე  პირებისათვის ქ. თბილისის მუნიციპალიტეტის ადმინისტრაციულ საზღვრებში, 3  (სამი) ერთეული ბინით  უსასყიდლოდ   სარგებლობის უფლებით უზრუნველყოფა ,  კერძოდ: 

ე.ა) ,,დ.ა" ქვეპუნქტით განსაზღვრული პირებისათვის  - ნიურა კოპალიანისათვის და თენგიზ კოპალიანისათვის  არანაკლებ 60 (სამოცი) კვ.მ  ფართის  მქონე  ერთი ერთეული  ბინით;
ე.ბ)  ,,დ.ბ" ქვეპუნქტით განსაზღვრული პირებისათვის  -  დავით მიქაძისათვის, ლია ქარუმიძისათვის, ლევან მიქაძისათვის   და  მიხეილ მიქაძისათვის) არანაკლებ 80 (ოთხმოცი) კვ.მ  ფართის მქონე  ერთი  ერთეული  ბინით;
ე.გ) ,,დ.გ" ქვეპუნქტით განსაზღვრული პირებისათვის  -  მევლუდი ზარიძისთვის), მამუკა  ზარიძისათვის, ნათელა ზარიძისათვის და მალხაზ ზარიძისათვის   არანაკლებ 40 (ორმოცი) კვ.მ. ფართის მქონე ერთი  ერთეული ბინით. 

     ამასთან, მყიდველი  ვალდებულია   ,,ა-ე“ ქვეპუნქტებით განსაზღვრული საპრივატიზებო  პირობების  შესრულების უზრუნველყოფის მიზნით, (მათ შორის, ვალდებულებ(ებ)ის შეუსრულებლობისათვის შესაბამისი ხელშეკრულების საფუძველზე დაკისრებული პირგასამტეხლოს გადახდის უზრუნველსაყოფად), ელექტრონული  აუქციონის ჩატარებიდან ერთი თვის ვადაში   სსიპ „სახელმწიფო ქონების ეროვნულ სააგენტოში“   წარმოადგინოს  ,,გ“ ქვეპუნქტით  განსაზღვრული  საინვესტიციო თანხის 10 %-ის ოდენობის უპირობო და გამოუხმობი საბანკო გარანტია, რომლის ვადაც   4 (ოთხი) თვით უნდა აღემატებოდეს ,,დ“ ქვეპუნქტით  განსაზღვრულ  ვალდებულების შესრულების ვადას.