სსიპ საზოგადოებრივი კოლეჯი ,,სპექტრი“ აცხადებს აუქციონს ქ. თბილისის ბ. ჭიჭინაძის ქ. N10-ში მდებარე სამ სართულიანი შენობის  სადემონტაჟო სამუშაოებზე.  

შენობა-ნაგებობების დემონტაჟის განხორციელების შედეგად მიღებული ვარგისი ნაწილებისა და მასალების (მარაგების) საკუთრებაში გადაცემის სანაცვლოდ და დემონტაჟის შედეგად მიღებული გამოუსადეგარი სამშენებლო ნარჩენების ტერიტორიიდან გატანის პირობით სადემონტაჟო სამუშაოთა წარმოების კალენდარული გეგმის შესაბამისად ხელშეკრულების გაფორმებიდან 2016 წლის 06 დეკემბრის ჩათვლით.

1.აუქციონში გამარჯვებულმა კოლეჯის ბალანსზე არსებული შენობის დემონტაჟი უნდა განახორციელოს სსიპ საგანმანათლებლო და სამეცნიერო ინფრასტრუქტურის განვითარების სააგენტოს მიერ შედგენილი  დემონტაჟის - სადემონტაჟო სამუშაოთა ორგანიზაციის პროექტის“ მოთხოვნათა დაცვით, და ქალაქ თბილისის მერიის სსიპ თბილისის არქიტექტურის სამსახურის ბრძანება N2817614; 06/09/2016  წ. შესაბამისად. 

2.აუქციონში გამარჯვებული პირი ასევე ვალდებულია სსიპ საზოგადოებრივი კოლეჯთან ,,სპექტრი“  გააფორმოს შესაბამისი ხელშეკრულება დემონტაჟის თაობაზე, სანაცვლოდ დემონტაჟის შედეგად მისაღები მეორადი სამშენებლო მასალების (მარაგების) და გამოუსადეგარი სამშენებლო ნარჩენების ტერიტორიიდან გატანის პირობით.

3. გამარჯვებული ვალდებულია ხელშეკრულების გაფორმებამდე წარმოადგინოს    ინფორმაცია მინიმუმ ბოლო სამწლიანი სამუშაო გამოცდილების შესახებ, დამოწმებული ხელმოწერით, ასევე საგადასახადო ან სხვა სახის დავალიანების არ ქონის დამადასტურებელი დოკუმენტი და ორი წლის განმავლობაში განმავლობაში 150 000 ლარიანი ბრუნვის ქონის დამადასტურებელი დოკუმენტი.

4. გამარჯვებულს აუცილებლად უნდა ჰყავდეს სადემონტაჟო სამუშაოების განსახორციელებლად შესაბამისი სატრანსპორტო საშუალებები.

5. იმ შემთხვევაში, თუ აუქციონში გამარჯვებული პირის მიერ სადემონტაჟო სამუშაოთა წარმოების პროექტით გათვალისწინებული სამუშაოები არ იქნება სრულად და ჯეროვნად შესრულებული და დემონტაჟი განხორციელდება ნაწილობრივ, მას დაეკისრება პირგასამტეხლო დემონტაჟის შედეგად მისაღები ვარგისი მასალის ღირებულების 10%-ის ოდენობით, ამასთან არ აუნაზღაურდება გაწეული დანახარჯები და ვერ შეძლებს დემონტაჟის შედეგად მიღებული ვარგისი მასალების (მარაგების) ტერიტორიიდან გატანას და განკარგვას.

6. აუქციონში გამარჯვებულმა  საპრივატიზებო თანხა  სრულად უნდა დაფაროს ხელშეკრულების გაფორმებიდან 5 (ხუთი) სამუშაო დღის განმავლობაში გამყიდველის საბანკო ანგარიშზე ჩარიცხვის გზით,   ან წარმოადგინოს საქართველოს კომერციული ბანკების მიერ გაცემული უპირობო და გამოუხმობადი საბანკო გარანტია, ასეთ შემთხვევაში, საქართველოს კომერციული ბანკების მიერ გაცემული  უპირობო და გამოუხმობადი საბანკო გარანტიის მოქმედების ვადა 1 თვით უნდა აღემატებოდეს ხელშეკრულებით გათვალისწინებული ვალდებულებების შესრულების ვადას. წინააღმდეგ შემთხვევაში აუქციონში გამარჯვებულს ერთმევა აუქციონში გამარჯვებულის სტატუსი და მასთან ხელშეკრულება არ გაფორმდება.