• აუქციონში გამარჯვებულ პირს შენობა - ნაგებობის დემონტაჟის შედეგად მიღებული ვარგისი მასალების (მარაგების) ტერიტორიიდან გატანის და განკარგვის უფლება აქვს მხოლოდ:

ა) ხელშეკრულებით ნაკისრი ვალდებულებების სრულად შესრულებისას,

ბ) დემონტაჟის შედეგად ამოსაღები ვარგისი მასალების (იხ.აუდიტის დასკვნა) ღირებულება - 41 850 (ორმოცდაერთიათას რვაასორმოცდაათი) ლარზე საქართველოს კომერციული ბანკის მიერ გაცემული საბანკო გარანტიის წარმოდგენის შემდეგ. ამასთან, გარანტიის მოქმედების ვადა 60 (სამოცი) კალენდარული დღით უნდა აღემატებოდეს ხელშეკრულების მოქმედების ვადას. 

იმ შემთხვევაში, თუ აუქციონში გამარჯვებული პირის მიერ სადემონტაჟო სამუშაოთა წარმოების პროექტით გათვალისწინებული სამუშაოები არ იქნება სრულად და ჯეროვნად შესრულებული და დემონტაჟი განხორციელდება ნაწილობრივ, მას დაეკისრება პირგასამტეხლო დემონტაჟის შედეგად მისაღები ვარგისი მასალის ღირებულების 10%-ის ოდენობით, ამასთან არ აუნაზღაურდება გაწეული დანახარჯები და ვერ შეძლებს დემონტაჟის შედეგად მიღებული ვარგისი მასალების (მარაგების) ტერიტორიიდან გატანას და განკარგვას.

ხელშეკრულებით ნაკისრი ვალდებულებების შესრულების დასადასტურებლად, აუქციონში გამარჯვებული პირი ვალდებულია სადემონტაჟო სამუშაოების დასრულებიდან 3 (სამი) სამუშაო დღის ვადაში წარმოადგინოს სადემონტაჟო სამუშაოების შესრულების საბოლოო ანგარიში. ანგარიში უნდა შეიცავდეს ინფორმაციას მოცემული პერიოდისათვის შესრულებული სამუშაოების და ამ სამუშაოების შედეგად მიღებული ვარგისი ნაწილების  (მარაგების)/ მასალების შესახებ. ანგარიშის წარმოდგენიდან 3 (სამი) სამუშაო დღის ვადაში, მხარეთა შორის გაფორმდება მიღება - ჩაბარების აქტი, რაც წარმოადგენს ხელშეკრულებით ნაკისრი ვალდებულებების შესრულების დადასტურებას.

 

 
• აუქციონში გამარჯვებულმა პირმა შენობის სადემონტაჟო სამუშაოები (საძირკვლებამდე) უნდა განახორციელოს ,,თბილისის ხელოვნების კოლეჯის ძირითადი და საწარმოო კორპუსების სადემონტაჟო სამუშაოთა ორგანიზაციის პროექტის“ მოთხოვნათა დაცვით, სსიპ ქალაქ თბილისის მუნიციპალიტეტის არქიტექტურის სამსახურის 16.07.2016 წლის N2715072 ბრძანების,  სსიპ ლევან სამხარაულის სასამართლო ექსპერტიზის ეროვნული ბიუროს N002939616 (24.05.2016წ. N5002687516) და ინდივიდუალური აუდიტორის (13.06.2016წ. N027/1-0) დასკვნების შესაბამისად.
• აუქციონში გამარჯვებული პირი ვალდებულია 5 სამუშაო დღის ვადაში გააფორმოს  ხელშეკრულება სსიპ საგანმანათლებლო და სამეცნიერო ინფრასტრუქტურის განვითარების სააგენტოსთან შენობა - ნაგებობის დემონტაჟის თაობაზე, დემონტაჟის შედეგად მისაღები ვარგისი მასალების (მარაგების) და გამოუსადეგარი სამშენებლო ნარჩენების ტერიტორიიდან გატანის პირობით. ამასთან, ხელშეკრულების გაფორმებამდე აუქციონში გამარჯვებულმა პირმა უნდა წარმოადგინოს საქართველოს კომერციული ბანკის მიერ გაცემული საბანკო გარანტია, რომლის მოქმედების ვადა ერთი თვით უნდა აღემატებოდეს ხელშეკრულების მოქმედების ვადას. საბანკო გარანტიის წარმოუდგენლობა შესაძლოა გახდეს ხელშეკრულების გაფორმებაზე უარის თქმის საფუძველი. 
• აუქციონში მონაწილეობის მსურველ პირს უნდა გააჩნდეს სადემონტაჟო სამუშაოების წარმოების მინიმუმ ერთწლიანი გამოცდილება. აუქციონში გამარჯვებულმა პირმა ხელშეკრულების გაფორმებამდე უნდა წარმოადგინოს  დოკუმენტაცია, რითაც დადასტურდება ერთწლიანი გამოცდილების არსებობა. დოკუმენტაციის წარმოუდგენლობა შესაძლებელია გახდეს ხელშეკრულების გაფორმებაზე უარის თქმის საფუძველი. 

სსიპ საგანმანათლებლო და სამეცნიერო ინფრასტრუქტურის განვითარების სააგენტო აცხადებს აუქციონს მის სარგებლობაში არსებული ქ.თბილისი, ა.წერეთლის გამზ. N134-ში არსებული შენობა - ნაგებობის ძირითადი და საწარმოო კორპუსების (N01/3, N02/1, N04/1, N05/1, N06/1, N07/1 და N08/1) სადემონტაჟო (საძირკვლებამდე) სამუშაოებზე, შენობა - ნაგებობის დემონტაჟის განხორციელების შედეგად მიღებული ვარგისი ნაწილებისა და მასალების (მარაგების) საკუთრებაში გადაცემის სანაცვლოდ და დემონტაჟის შედეგად მიღებული გამოუსადეგარი სამშენებლო ნარჩენების ტერიტორიიდან გატანის პირობით. სადემონტაჟო სამუშაოების ხანგრძლივობა შეადგენს ხელშეკრულების გაფორმებიდან 3 (სამი) თვეს, მათ შორის  მოსამზადებელი სამუშაოების ხანგრძლივობა შეადგენს 0.5 თვეს.