სსიპ სიღნაღის მუნიციპალიტეტის სოფელ ნუკრიანის N2 საჯარო სკოლა აცხადებს აუქციონს , სოფელ ნუკრიანში, მდებარე  38.16 კვ.მ ფართზე განლაგებული სკოლის არასასოფლო-სამეურნეო დანიშნულების მიწის ნაკვეთზე განთავსებული ავარიული შენობა-ნაგებობის (ბუფეტის) დემონტაჟზე. მიშენების დემონტაჟის განსახორციელებლად საკმარისი იქნება 3 (სამი) კაცის მუშაობა არაუმეტეს 10(ათი) დღის განმავლობაში. ტექნიკის გამოყენება დასაშლელად არ იქნება საჭირო და ხელის შრომით მოხდება სახურავის და კედლების დემონტაჟი. ჯერ მოხდება სახურავის საფარის მოხსნა, შემდეგ ხის ელემენტების მოხსნა, შემდეგში კი კედლების, ფიცრის იატაკის და ა.შ.დემონტაჟი და შემდეგ საბოლოოდ დარჩენილი სამშენებლო მასალების დატვირთვა თვითმცლელზე. 

პრეტენდენტმა სკოლის შენობის დემონტაჟი უნდა განახორციელოს სსიპ საგანმანათლებლო და სამეცნიერო ინფრასტრუქტურის განვითარების სააგენტოს მიერ შედგენილი სსიპ სიღნაღის მუნიციპალიტეტის სოფელ ნუკრიანის N2 საჯარო სკოლის შენობის დარჩენილი სადემონტაჟო სამუშაოების   დემონტაჟი - სადემონტაჟო სამუშაოთა წარმოების პროექტის“ მოთხოვნათა დაცვით.

აუქციონში გამარჯვებული პირი ასევე ვალდებულია 5 სამუშაო დღის ვადაში სსიპ – სიღნაღის მუნიციპალიტეტის სოფელ ნუკრიანის N2 საჯარო სკოლასთან გააფორმოს შესაბამისი ხელშეკრულება დემონტაჟის თაობაზე, სანაცვლოდ დემონტაჟის შედეგად მისაღები მეორადი სამშენებლო მასალების (მარაგების) და გამოუსადეგარი სამშენებლო ნარჩენების ტერიტორიიდან გატანის პირობით. 

სახურავზე საფარად არსებული შავი ფურცლოვანი თუნუქის რეალიზაცია ვრ მოხდება მისი გამოუსადეგარობის გამო და ის რეალიზებულ უნდა იყოს როგორც ჯართი.

გამარჯვებული ვალდებულია ხელშეკრულების გაფორმებამდე წარმოადგინოს    ინფორმაცია მინიმუმ ერთ წლიანი სამუშაო გამოცდილების შესახებ, დამოწმებული ხელმოწერით.

აუქციონში გამარჯვებულმა  საპრივატიზებო თანხა  სრულად უნდა დაფაროს ხელშეკრულების გაფორმებამდე გამყიდველის საბანკო ანგარიშზე ჩარიცხვის გზით,   ან წარმოადგინოს საქართველოს კომერციული ბანკების მიერ გაცემული  უპირობო და გამოუხმობადი საბანკო გარანტია, ასეთ შემთხვევაში, საქართველოს კომერციული ბანკების მიერ გაცემული  უპირობო და გამოუხმობადი საბანკო გარანტიის მოქმედების ვადა 1 თვით უნდა აღემატებოდეს ხელშეკრულებით გათვალისწინებული ვალდებულებების შესრულების ვადას. წინააღმდეგ შემთხვევაში აუქციონში გამარჯვებულს ერთმევა აუქციონში გამარჯვებულის სტატუსი და მასთან ხელშეკრულება არ გაფორმდება.

ხელშეკრულებით გათვალისწინებული ვალდებულებების შესრულების დასადასტურებლად, გამარჯვებული ვალდებულია  სამუშაოების დასრულებიდან  3 სამუშაო დღის ვადაში წარმოადგინოს სადემონტაჟო სამუშაოების შესრულების საბოლოო ანგარიში, რომელიც შემდგომ  დასადასტურებლად გადაეცემა სსიპ ,,სამეცნიერო და საგანმანათლებლო ინფრასტრუქტურის განვითარების სააგენტოს’’.  სსიპ ,,საგანმანათლებლო და სამეცნიერო ინფრასტრუქტურის განვითარების სააგენტოს" თანხმობის „გამყიდველისთვის“ წარდგენიდან 3 სამუშაო დღის ვადაში, წარმოდგენილი დოკუმენტაციის შესაბამისად, გაფორმდება სადემონტაჟო სამუშაოების მიღება-ჩაბარების აქტი, რაც წარმოადგენს „მყიდველის“ მიერ ხელშეკრულებით ნაკისრი ვალდებულებების შესრულების დადასტურებას.

სამუშაოების შესასრულებლად გასათვალისწინებელი სსიპ სიღნაღის მუნიციპალიტეტის სოფელ ნუკრიანის N2 საჯარო სკოლის მიერ გადასაცემი დოკუმენტაცია  შეგიძლიათ იხილოთ მიბმულ ფაილში.