დასახელება: სსიპ შემოსავლების სამსახურის ბალანსზე რიცხული, გაფორმების ეკონომიკური ზონა „ბათუმი“-ს ტერიტორია

მისამართი: ხელვაჩაურის მუნიციპალიტეტი, სოფელი ადლია, სენაკი-ფოთი-სარფის საავტომობილო გზის 106-ე კმ.

ფართი: 288 მ2

სარგებლობის ვადა: 10 წელი

ელექტრონული აუქციონის გამარჯვებულს სასყიდლიანი აღნაგობის ფორმითა და 10 წლის ვადით სარგებლობაში გადაეცემა შემოსავლების სამსახურის ბალანსზე რიცხული, გაფორმების ეკონომიკური ზონა „ბათუმი“-ს (ს/კ 05.32.06.097) ტერიტორიაზე 288 მ2 მდებარე მიწის ნაკვეთი.

ა) აუქციონში მონაწილე კომპანიებმა უნდა გაითვალისწინონ, რომ განცხადებაში მოცემული საწყისი ფასი შეადგენს სარგებლობის ერთი თვის საფასურს (დღგ-ს ჩათვლით). შესაბამისად, აუქციონის დასრულების შედეგად დაფიქსირებული ღირებულება წარმოადგენს სარგებლობის მანძილზე გადასახდელ ყოველთვიურ ღირებულებას;

ბ) აუქციონში გამარჯვებულ პირს უფლება აქვს მითითებულ ფართში უზრუნველყოს მხარეთა შორის შეთანხმებული პროექტის შესაბამისად შენობა-ნაგებობის აშენება;

გ) სასყიდლიანი აღნაგობის უფლების ვადის გასვლის შემთხვევაში, შემოსავლების სამსახური არ არის ვალდებული აუქციონში გამარჯვებულ პირს (სასყიდლიანი აღნაგობის უფლების მქონეს) მისცეს რაიმე სახის ანაზღაურება;

დ) აუქციონში გამარჯვებულ პირსა და შემოსავლების სამსახურს შორის დადებული სასყიდლიანი აღნაგობის ხელშეკრულება ვადამდე ადრე შეწყდება, თუ საქართველოს აჭარის ავტონომიური რესპუბლიკის ფინანსთა და ეკონომიკის სამინისტრო მოითხოვს სასყიდლიანი აღნაგობის ხელშეკრულების შეწყვეტას. მოთხოვნიდან ერთი თვის შემდეგ ხსენებული ხელშეკრულება შეწყდება უპირობოდ. ამასთან, აღნიშნულ საფუძველზე ხელშეკრულების შეწყვეტა მესაკუთრეს/სარგებლობაში გამცემს არ დააკისრებს სასყიდლიანი აღნაგობის უფლების მქონის მიერ ქონებაზე გაწეული რაიმე სახის ხარჯების კომპენსაციის ვალდებულებას ან სხვა სახის პასუხისმგებლობას სასყიდლიანი აღნაგობის უფლების მქონისა თუ მესამე პირთა წინაშე;

ე) ელექტრონულ აუქციონში გამარჯვებულ პირსა და შემოსავლების სამსახურს შორის ურთიერთობის მარეგულირებელი სხვა პირობები განსაზღვრება საქართველოს კანონმდებლობითა და მხარეთა შორის ხელმოწერილი ხელშეკრულებით.