ყურადღება!

• აუქციონის დასრულებამდე ქონების დათვალიერება შესაძლებელია პრივატიზების განმახორციელებელ ორგანოსთან შეთანხმებით;
• ინტერნეტ აუქციონში მონაწილეობის მისაღებად ბეს (საგარანტიო თანხის) გადახდა შესაძლებელია:
  • ნაღდი ანგარიშსწორებით  სს  ,, ლიბერთი ბანკში”
  • ვებ-გვერდიდან პლასტიკური ბარათით
  • ელექტრონული საბანკო გარანტიის აქტივაციით
• 30 კალენდარულ დღეში საპრივატიზებო საფასურის გადაუხდელობის შემთხვევაში უქმდება აუქციონის შედეგები. მკაცრად რეკომენდირებულია საპრივატიზებო საფასურის გადახდა 25 დღის განმავლობაში.
• მყიდველი ვალდებულია ნასყიდობის ხელშეკრულების გასაფორმებლად მიმართოს სსიპ სახელმწიფო ქონების ეროვნული  სააგენტოს იურიდიულ  დეპარტამენტს  აუქციონის ჩატარებიდან 45 კალენდარული დღის  ვადაში, წინააღმდეგ შემთხვევაში უქმდება აუქციონის შედეგი.

დამატებითი ინფორმაციისთვის დაგვიკავშირდით ცხელ ხაზზე : (+995) 32  2  981-111 (სსიპ  ,,სახელმწიფო ქონების ეროვნული სააგენტო”)   (+995) 32  2  601 601 (www.eauction.ge

ა) საპრივატიზებო თანხის  გადახდა  ელექტრონული აუქციონის დასრულებიდან  30 (ოცდაათი) კალენდარული დღის  ვადაში.

ბ) პირადად ან/და მესამე პირების მეშვეობით, შესაბამისი ხელშეკრულების გაფორმებიდან არაუმეტეს 24 (ოცდაოთხი)  თვის ვადაში გადაცემულ უძრავ ქონებაზე  ან/და მის ნაწილზე, არანაკლებ 160  (ას სამოცი) ნომრიანი  სასტუმროს (რომელიც მოიცავს (მაგრამ არ შემოიფარგლება) არანაკლებ 2 (ორი) საკონფერენციო დარბაზს, რესტორან(ებ)ს), მშენებლობა/რეკონსტრუქცია, ექსპლუატაციაში მიღება, აღჭურვა,  ფუნქციონირების დაწყება და სასტუმროს ეზოს კეთილმოწყობა, (რაც მოიცავს (მაგრამ არ შემოიფარგლება) გადაცემული უძრავი ქონების ან/და მისი ნაწილის შემოღობვას, გამწვანებას, გარე განათებას, არანაკლებ 40  (ორმოცი) ავტომობილზე გათვლილ ავტოსადგომს იმ მოქმედი სამშენებლო ნორმების შესაბამისად, რომლითაც ხორციელდება პროექტირება და მშენებლობა), ასევე, სამორინეს შექმნა.

გ) პირადად ან/და მესამე პირების მეშვეობით, შესაბამისი  ნასყიდობის ხელშეკრულების გაფორმებიდან  არაუმეტეს 24 (ოცდაოთხი) თვის ვადაში „ბ“ ქვეპუნქტით გათვალისწინებული საპრივატიზებო პირობის შესრულების მიზნით არანაკლებ  6 400 000 (ექვსი მილიონ ოთხასი ათასი) ევროს ეკვივალენტი ლარის ოდენობის ინვესტიციის განხორციელება.

დ) „ბ“ ქვეპუნქტით გათვალისწინებული ვალდებულების შესრულებიდან არაუმეტეს 3 (სამი) თვის ვადაში, ამავე ქვეპუნქტით განსაზღვრულ სასტუმროში ან/და სამორინეში არანაკლებ 80 (ოთხმოცი) ადამიანის დასაქმება, არანაკლებ 2 (ორი) წლის ვადით.

ე) მყიდველი  ვალდებულა ,,ა-გ“ ქვეპუნქტებით განსაზღვრული საპრივატიზებო  პირობების  შესრულების უზრუნველყოფის მიზნით, (მათ შორის, ვალდებულებ(ებ)ის შეუსრულებლობისათვის შესაბამისი ხელშეკრულების საფუძველზე დაკისრებული პირგასამტეხლოს გადახდის უზრუნველსაყოფად), ელექტრონული აუქციონის ჩატარებიდან ერთი თვის ვადაში   სსიპ „სახელმწიფო ქონების ეროვნულ სააგენტოში“   წარმოადგინოს ამ ბრძანების  მე-3 პუნქტის  ,,გ“ ქვეპუნქტით  განსაზღვრული  საინვესტიციო თანხის 10%-ის ოდენობის უპირობო და გამოუხმობი საბანკო გარანტია, რომლის ვადაც  არანაკლებ 4 (ოთხი) თვით უნდა აღემატებოდეს ამავე  ქვეპუნქტით განსაზღვრულ საინვესტიციო ვალდებულების შესრულების ვადას.