აუქციონში გამარჯვებულმა პირმა საკუთარი ხარჯით უნდა უზრუნველყოს სსიპ – ქალაქ თბილისის N61 საჯარო სკოლის სარგებლობაში არსებული 5 ერთეული შენობა–ნაგებობის (სასწავლო კორპუსი N1; N2; N3, N4 და N5) დემონტაჟი ხელშეკრულების გაფორმებიდან 25 დეკემბრის ჩათვლით, თანდართული სადემონტაჟო სამუშაოების ორგანიზების პროექტის შესაბამისად.

შენობების საერთო ფართი შეადგენს- 4535,42 კვ.მ., შენობის დემონტაჟზე გაცემულია თანხმობა ქალაქ თბილისის მერიის სსიპ თბილისის არქიტექტურის სამსახურის მიერ - ბრძანება#1405194; 25/07/2014 წ.

სადემონტაჟო სამუშაოების შესრულების სანაცვლოდ აუქციონში გამარჯვებულს საკუთრებაში გადაეცემა დემონტაჟის შედეგად მიღებული მეორადი სამშენებლო მასალები და შავი ლითონი.

სსიპ ქალაქ თბილისის #61 საჯარო სკოლა (მის: ვ.დოლიძის ქ.3) აცხადებს აუქციონს - 4535,42 კვ.მ შენობა-ნაგებობების სადემონტაჟო სამუშაოებზე, შენობა-ნაგებობების დემონტაჟის განხორციელების შედეგად მიღებული ვარგისი ნაწილებისა და მასალების (მარაგების) საკუთრებაში გადაცემის სანაცვლოდ დადემონტაჟის შედეგად მიღებული გამოუსადეგარი სამშენებლო ნარჩენების ტერიტორიიდან გატანის პირობით 2014 წლის 25 დეკემბრის ჩათვლით.

1. გამარჯვებული ვალდებულია უზრუნველყოს დემონტაჟისათვის აუცილებელი ყველა სანებართვო დოკუმენტის მოპოვება შესაბამისი ორგანოებიდან.
2. პრეტენდენტს უნდა ჰქონდეს გამოცდილება აღნიშნული სამუშაოების წარმოებისა (ბოლო 3 წლის განმავლობაში მინიმუმ 200000 ლარის ღირებულების).
3. პრეტენდენტმა უნდა უზრუნველყოს სკოლის ბალანზე რიცხული #3 საქვაბის შენობაში განთავსებული გათბობის სისტემის დანადგარების და ტრენაჟორების დემონტაჟი და დასაწყობება უსაფრთხო ადგილზე სკოლის მიერ შემდგომი გამოყენებისათვის, რომელიც რჩება სკოლის საკუთრებაში.
4. პრეტენდენტმა სკოლის შენობის დემონტაჟი უნდა განახორციელოს სსიპ საგანმანათლებლო და სამეცნიერო ინფრასტრუქტურის განვითარების სააგენტოს მიერ შედგენილი „თბილისის #61 საჯარო სკოლის შენობის დემონტაჟი - სადემონტაჟო სამუშაოთა წარმოების პროექტის“ მოთხოვნათა დაცვითა და ქალაქ თბილისის მერიის სსიპ თბილისის არქიტექტურის სამსახურის ბრძანება #1405194;25/07/2014 წ. შესაბამისად. (იხ.დანართი)
5. აუქციონში გამარჯვებული პირი ასევე ვალდებულია 5 სამუშაო დღის ვადაში სსიპ – ქალაქ თბილისის 61-ე საჯარო სკოლასთან გააფორმოს შესაბამისი ხელშეკრულება დემონტაჟის თაობაზე, სანაცვლოდ დემონტაჟის შედეგად მისაღები მეორადი სამშენებლო მასალების (მარაგების) და გამოუსადეგარი სამშენებლო ნარჩენების ტერიტორიიდან გატანის პირობით.
6. წინასწარ გადახდილი საგარანტიო თანხა (საპრივატიზებო თანხის 50%-ის ოდენობით) აუქციონში გამარჯვებულს საბოლოო ანგარიშსწორებისას ეთვლება საპრივატიზებო საფასურის ნაწილად. ხოლო დარჩენილი საპრივატიზებო თანხა კი სრულად უნდა დაფაროს 2014 წლის 01 ნოემბრამდე  გამყიდველის საბანკო ანგარიშზე ჩარიცხვის გზით. განსაზღვრულ ვადაში თანხის გადაუხდელობის შემთხვევაში აუქციონში გამარჯვებულს დაეკისრება საურავი ყოველ ვადაგადაცილებულ დღეზე გადაუხდელი  თანხის 0,5 %-ის ოდენობით.
7. აუქციონში გამარჯვებული პირის მიერ აუქციონში გამარჯვების დამადასტურებელი ოქმის ხელმოწერაზე ან/და ნასყიდობის ხელშეკრულების ხელმოწერაზე უარის თქმის შემთხვევაში, ასევე, საპრივატიზებო თანხის დადგენილ ვადებში გადაუხდელობით აუქციონში გამარჯვებულს ერთმევა აუქციონში გამარჯვებულის სტატუსი და გადახდილი საგარანტიო თანხა უკან არ უბრუნდება.
8. განსაზღვრულ ვადებში სამუშაოების შეუსრულებლობისათვის აუქციონში გამარჯვებულს დაეკისრება საურავი ყოველ ვადაგადაცილებულ დღეზე საპრივატიზებო თანხის 0,5 % ის ოდენობით.
9. გამარჯვებული ვალდებულია ხელშეკრულების გაფორმებამდე წარმოადგინოს შემდეგი დოკუმენტაცია:

9.1   ამონაწერი მეწარმეთადა არასამეწარმეო (არაკომერციული) იურიდიული პირების რეესტრიდან;

9.2   ცნობა, რომ არ ხორციელდება იურიდიული პირის რეორგანიზაცია ან ლიკვიდაცია;

9.3   ინფორმაცია გამოცდილების შესახებ

9.4   დოკუმენტაციის წარმოუდგენლობის შემთხვევაში, აუქციონში გამარჯვებულთან ხელშეკრულება არ გაფორმდება.

10. შეძენილ ქონებაზე საკუთრების უფლების დასადასტურებლად გამარჯვებული ვალდებულია წარმოადგინოს სადემონტაჟო სამუშაოების შესრულების ყოველთვიური ანგარიში ყოველი მომდევნო საანგარიშსწორებო თვის 5 რიცხვამდე. ასევე , 2015 წლის 10 იანვრამდე წარმოადგინოს სადემონტაჟო სამუშაოების შესრულების საბოლოო ანგარიში და ლევან სამხარაულის სახელობის სასამართლო ექსპერტიზის ეროვნული ბიუროს დასკვნა სადემონტაჟო სამუშაოების შესრულების შესახებ. სადემონტაჟო სამუშაოების შესრულების საბოლოო ანგარიშის და ლევან სამხარაულის სახელობის სასამართლო ექსპერტიზის ეროვნული ბიუროს დასკვნის წარმოდგენიდან 1 სამუშაო დღის ვადაში, წარმოდგენილი დოკუმენტაციის შესაბამისად გაფორმდება სადემონტაჟო სამუშაოების შესრულების მიღება-ჩაბარების აქტი, რაც წარმოადგენს შეძენილ ქონებაზე საკუთრების უფლების დადასტურებას.