სარეალიზაციოდ წარმოდგენილია ავტომობილი ტოიოტა ავენსისი, სახელმწიფო ნომრით NV-373-NV; საიდენტიფიკაციო № SB1BZ56L00E040485; გარბენი:370703 კმ.

ავტომანქანა არის განუბაჟებელი და მუდმივად იმყოფებოდა სსიპ "საქართველოს ეროვნული ბანკის" საკუთრებაში, არ აქვს აკუმულატორი, არ აქვს გავლილი პერიოდული ტექ. ინსპექტირება, თუმცა იქოქება და დადის. დაახლოებით 20 თვეა, რაც გაჩერებულია/დგას.

საქართველოს ეროვნული ბანკის სააუქციონო კომისია აცხადებს, რომ საქართველოს ეროვნული ბანკის პრეზიდენტის 2011 წლის 2 სექტემბრის  №70/04 ბრძანებით დამტკიცებული „საქართველოს ეროვნული ბანკის ქონების აუქციონის ფორმით რეალიზაციის შესახებ დებულების“ და საქართველოს ეროვნული ბანკის  პრეზიდენტის 2026 წლის 13 ივლისის №84 განკარგულების შესაბამისად, 2026 წლის 27 ოქტომბერს 18:00 საათზე დაიწყება და 2026 წლის 12 ნოემბერს 17:00 საათზე დასრულდება, ელექტრონული აუქციონი (www.eauction.ge) საქართველოს ეროვნული ბანკის საკუთრებაში არსებულ  მოძრავ ქონებაზე.

ელექტრონული აუქციონის ფორმით საქართველოს ეროვნული ბანკის ქონების რეალიზაციის მიზანია საკუთრების უფლება მიენიჭოს ელექტრონულ აუქციონში მონაწილე იმ პირს, რომელიც ელექტრონული ვაჭრობის პროცესში საქართველოს ეროვნულ ბანკს ყველაზე მაღალ ფასს  შესთავაზებს.

აუქციონში მონაწილეობისთვის შესატანი "ბე-ს" ოდენობა შეადგენს სარეალიზაციო ქონების საწყისი სააუქციონო ფასის 10%-ს, პირმა, რომელსაც სურს მიიღოს მონაწილეობა ქონების ობიექტის ვაჭრობაში, უნდა გადაიხადოს "ბე", რომელიც ჩარიცხულ უნდა იქნეს საქართველოს ეროვნული ბანკის შემდეგ ანგარიშზე: SWIFT კოდი -  BNLNGE22 ა/ანგარიში:GE88NB0450100117904101

ელექტრონულ აუქციონზე უმცირესი ბიჯი შეადგენს 100 (ასი) ლარს. ელექტრონული აუქციონის დასრულებიდან 5 (ხუთი) კალენდარულ დღეში მყიდველმა განცხადებაში მითითებულ ანგარიშზე უნდა ჩარიცხოს ქონების ღირებულება სრულად ან ნახევარი მაინც, რომელიც შეესაბამება მის მიერ აუქციონზე დასახელებულ საბოლოო ფასს. იმ შემთხვევაში, თუ ზემოაღნიშნულ ვადაში მყიდველმა გადაიხადა ქონების ღირებულების მხოლოდ ნახევარი, დარჩენილი თანხა უნდა დაფაროს ელექტრონული აუქციონის ოქმის ხელმოწერიდან 30 (ოცდაათი) კალენდარული დღის განმავლობაში. თუ მყიდველი უარს იტყვის ნაყიდ ქონებაზე ან დროულად არ შეიტანს საჭირო თანხას, აუქციონის შედეგები უქმდება და ასეთ შემთხვევაში პირს გადახდილი თანხა და „ბე“ არ დაუბრუნდება.

აუქციონის  შემდეგ გაყიდული  ქონების ტექნიკური მდგომარეობის შესახებ მყიდველისგან პრეტენზია არ მიიღება. დაინტერესების შემთხვევაში, დაწვრილებითი ინფორმაციის მიღების მიზნით და ავტომობილების სანახავად შეგიძლიათ მიმართოთ საქართველოს ეროვნული ბანკის შესყიდვებისა და ლოჯისტიკის დეპარტამენტის ლოჯისტიკის განყოფილების უფროსს, ბექა ბარბაქაძეს (ტელ: 032 240-63-97).

აუქციონზე წარმოდგენილი სატრანსპორტო საშუალება არის განუბაჟებელი. საბაჟო პროცედურებთან დაკავშირებული ყველა ხარჯი, მათ შორის იმპორტის და აქციზის გადასახადი, გაფორმების მოსაკრებელი, აგრეთვე ავტომობილის რეგისტრაციასა და საკუთრებაში გადაცემასთან დაკავშირებული ნებისმიერი სხვა ხარჯი, სრულად ეკისრება გამარჯვებულს.